چارەسەری خێرا بۆ کێشەی زۆر لە Mac Os X بەشی یەکەم

 

بەناوی خوای بەخشندە و میهرەبان

سڵاوهاوڕێیان ئەم کاتە و هەمووکاتێکتان باش خۆشحاڵم بە بابەتێکی نوێوە هاتمەوە 

لاتان.

زۆر جار زۆرێک لە ئێمە لەکاتی بەکارهێنەرانی سیستەمی ماک توشی کێشە دەبین 

بەهۆی ئەوەی لە ووڵاتی ئێمە ئەم سیستەمە بەکارهێنەری کەمە, ڕەنگە کێشەکان 

سادە بن ناچار دەبین بیبەینە لای کەسێک یاخود لە بازار بە پارە بۆ مان چارەسەر بکەن, 

ئەوەی مەبەستمە لەم زنجیرە بابەتەدا باس کردنە لە چارەسەری خێرا بۆ زۆرێک لەو 

کێشانەی ڕوبەڕوی بەکارهێنەرانی ماک دەبێتەوە هەر وەک ئاماژەمان پێدا کێشەکان 

هەندێجار چارەسەریان زۆر ئاسانە هەر یەک لە ئێمە دەتوانین خۆمان ئەو کێشانە 

چارەسەر بکەین بە چەند ڕێگایەکی ئاسان, ئەگەر هاتوو کێشەکان لە هارد وێر بو 

دەتوانن سود لەم ڕێگانە وەربگرن نەک لە سۆفت وێر بۆ نمونە نەوەک تۆ کێشەت لە 

گۆگڵ کرۆم یا فایەرفۆکس هەبو بڕۆی ئەم ڕێگانەی کە لە خوارەوە باسیان دەکەین جێ 

بەجێی بکەیت و بڵێی کێشەکانم چارەسەر نەبوە.

پێشەوەی باس لە ڕێگاکان بکەین بە باشی دەزانم ئەوە بخەمە ڕوو ئەم ڕێگایانە ١٠٠٪ 

چارەسەری هەموو کێشەکانت ناکات بەڵام بۆ ئەوەیە تۆ پێشەوەی بیەیتە بازار باشترە 

ئەم ڕێگایانە بکەیت.

گرنگترین ئەو کێشانەی کە ڕوبەڕومان دەبێتەوە بریتی یە لە:-

١.دەرکەوتنی کێشە لە وایەرلێش دەنوسرێ No Airport Card Installed.

٢.ناتوانی ئەنتەرنێت بکەیتەوە لە کاتێکدا تۆ پەیوەندیت کردوە.

٣.کێشە لە (تراک باد) ی کیبۆرد.

٤.کێشە لە کامێرا. هتد........


ڕێگاکان بریتین لە:-

١. Reset PRAM:

باشیەکانی بریتی یە لە:


ا.قەبارەی هارد جێگیرنەبوو

ب.کوالێتی ڤیدیۆ جێگیر نەبو هەرچەند کوالێتی باش بکەیت دواتر وەک خۆی لێ بێتەوە.

ج.زانیاری دەربارەی شوێنی نیشتەجێ بون توانای گۆڕانی نەبێت.

د.دوای خستە کاری ماک نیشانەی پرسیار بەدەربکەوێت ئەمەش نیشانەی بونی 

کێشەیە.

ها. دوبارە بونەوەی تەختەکلیل.

و.کێشە لە ماوس.

وە چەند کێشەیەکی تریش هتد.........


چارەسەر:-

ماکەکەت ڕیستارت بکە پێکەوە پەنجە بنێ بە


Command + OPTION (alt) + P + R


دەست هەڵمەگرە لەسەری تا ٣ جار ڕیستارت دەبێتەوە

بۆ زیاتر ڕوونی سەیری ئەم ڤیدیۆیانە بکە:






یاخود ئەمەیان 








ئەو سەرچاوانەی سودم لێ بینیوە:


١.support.apple




http://www.ce4arab.com


ڤیدیۆکان لە یوتیوب وەرگیراون

چاوەڕوانی بەشی دووەم بن.

---

twitter: @diyarjaf
Facebook: Diyar Bekir Jaf
instagram: diyarjaf
BBM: 7A38CE23
http://diyarbekirjaf.blogspot.com

گشت زانیاریەک دەربارەی سیستەمی یوسیمایت Yosimite

بەناوی خوای بەخشندە و میهرەبان

سڵاو هاوڕێیان ئەم کاتە و هەموو کاتێکتان باش.

ئاشکرایە کۆمپانیای ئەپڵ ڕۆژی ٢\٦\٢٠١٤ کۆنگرەی WWDC 14 بەست بۆ هەر یەک لە 

ماک و ئایفۆن و ئایپاد و ئایپۆد تەچ وا بڕیارە لە چارەکی کۆتایی ئەمساڵ سیستەمی 

نوێ بڵاو ببێتەوە, لەم بابەتەدا ئەوەی مەبەستمانە باس لە سیستەمی یوسیمایت 

Yosimite بکەین وە گرنگترین ئەو گۆڕانکارییانەی کە کراوە بیخەینەڕوو بۆ یەکەمجار بە 

زمانی کوردی.

*سەرەتا بابزانین یوسیمایت Yosimite لەچیەوە هاتوە؟

یوسیمایت Yosimite پارکێکی نیشتمانیە لە ویلایەتی کالیفۆرنیا لە وویلایەتە 

یەکگرتوەکانی ئەمریکا چەند ڕوبارێک و هەروەها چەندەها جۆری درەخت و باڵندەی 

هەمەجۆری تیادایە هەروەها چەند تاڤگەیەکیشی تیادایە شوێنی دڵڕفێن و 

جوانە.ئەمەش چەند وێنەیەک لە یوسیمایت Yosimite.

*گرنگترین خاسیەتەکانی سیستەمی یوسیمایت Yosimite بریتی 

یە لە:-


١.فایندەر Finder:

باشترکردنی فایندەر و ئاسانکاری زیاتر لە گەڕان لە (پیتی ئەلف تا پیتی ی) وە جۆری 

فۆنت هیچ کێشەیەکی نابێت چیتر لەگەڵ سیستەمی یوسمایت,فۆنتەکان زیاتر ڕونن.وە 

دەتوانی بە دوای هەموو ئەو فایلانەدا بگەڕێی کە لە iCloud Drive پاشەکەوتت کردوە.

٢.Dock دۆک:-

ڕێگە زۆرە بۆ کردنەوەی بەرنامەکان بەڵام Dock بە ئاسانترین ڕێگە دادەنرێت هەرچەندە 

لە سیستەمەکانی پێشوتر Dock هەبوو بەڵام لەگەڵ یوسمایت زۆر جوانتر و ڕوونتر 

دەردەکەوێت بە شێوەیەک یەکسەر بەرنامەکان دەناسیتەوە.

٣.ناوەندى ورياكردنەوە (Notification Center):-

دووبارە دیزاین کردنی ناوەندى ورياكردنەوە (Notification Center) , خاسیتێکی گرنگی 

ناوەندى ورياكردنەوە لە هەموو شت ئاگادارت دەکاتەوە کە پێویستت پێبێ,هەروەها 

کورتەیەک لە ڕوداوەکانی ڕۆژی داهاتوت پێ دەڵێ وەک ڕۆژی لە دایک بون و 

ئاگادارکردنەوە, جگە لەوانەش دەتوانی بەشێوەیەکی خێرا بگەیت بە زانیاریە گرنگەکا لە 

ڕۆژ ژمێر و کەشو هەوا و ئابوری و ژمێرەر و ئاگادارکردنەوە. لەکاتی کردنەوەی هەم 

بەرنامەیەکدا ڕاستەوخۆ دەتوانی بڕۆیتە سەر ناوەندی ئاگادارکردنەوە.

٤.Spotlight :

ڕوناکیەکی زیاتر لە پێشتر لە پەنجەرەی گەڕان دەتوانی بە دوای هەر شتێکدا بگەڕێی 

کە مەبەستتە لە ماکی تایبەتیت,هەروەها دەتوانی زانیاریت دەست بکەوێت لە 

ویکیپیدیا و بینگ و نەخشە و هتد......

٥.iCloud Drive :-

پاشەکەوتی هەرجۆرە فایلێک بکە لە iCloud وە دەتوانی پێی بگەی لە هەر ئامێرێکەوە 

کە بتەوێت, لە iCloud دەتوانی فایلەکان ڕێک بخەیت بەوشێوەی خۆت دەتەوێت.

٦. پەیام Mail

پەیام خاسیەتێکی نوێی هەیە بەناوی Mail Drop ڕێگەت پێ دەدات بە ناردنی هاوپێچ 

بە کێشی گەورە تا ٥ گێگا بایت لە ڕێگەی iCloud.

٧.ڕۆژ ژمێر Calender:-

باشترکردنی شێوەی ڕۆژ ژمێر لە گەڵ پشتگیری کردنی تایبەتمەندی بینینی ڕۆژ.

٨. سەفاری Safari:-

لەسیستەمی یوسمایت سەفاری گۆڕانکاری بەرچاو و ئاسانکاری زۆری تیاکراوە بۆ 

بەکاربەر,لیستی پێداویستیەکان بەردەستە و وە ڕێگەی نوێت پێدەدات بە گەیشتن بەو 

سایتتانەی کە لای بەکاربەر جێی بایەخە, هەروەها تایبەتمەندیت زیاتر دەپارێزێت لە 

گەڵ باشترکردنی نیترۆ و جافا, وە زۆر خێرایە و ڕێگای نوێی تیا بەکارهاتوە بۆ گەڕان لە 

سایتەکان.

٩.Handoff :-

ڕێگەت پێ دەدات بە هاوبەشی پێکردنی بابەت لە نێوان ماک و ئایفۆن و ئایپاد لە کاتێکدا 

کە نزیکی بەک بن.

بۆ زانیاری زیاتر دەتوانن سەیری ئەم بابەتەم بکەن کەلەسەر Handoff ئامادەم کردوە لە 

یانە بۆ بینینی کرتە بکە.


١٠. Messages پەیامی کورت(نامە):-

بە زۆر ڕێگا دەتوانیت نامە بنێریت لە ڕێگەی ماکەوە بۆ کۆمەڵێک هاوڕێ بە شێوەی SMS 

بێت یاخود iMessage بێت, دەتوانی وێنە و دەنگ بنێریو وەلەکاتی کردنەوەی 

بەرنامەیەکی دیکەدا دەتوانی بێ ئەوەی ئەو بەرنامە داخەیت ڕاستەوخۆ وەڵام بدەیتەوە.

١١. Phone پەیوەندی:-

لەسەر ماک دەتوانی وەڵامی پەیوەندی بدەیتەوە ئەو کاتەی ئایفۆنەکەت زەنگ 

لێدەدات,وە ناوی پەیوەندیکەر و ژمارەی وێنەشی دەردەکەوێت وە دەتوانی وەڵامی 

نەدەیتەوە لەکاتی وەڵام دانەوەدا بڵندگۆی ماک دەکەوێتەکار, وە دەتوانی لە ڕێگەی 

ژمارەکانتەوە پەیوەندی بکەی,ئەگەر هاتوو ئایفۆنەکەت لە ژوورێکی دیکە بو زەنگی لێدا 

دەتوانی ڕاستەوخۆ لەسەر ماک وەڵام بدەیتەوە بەو مەرجەی لەسەر یەک خەتی 

ئەنتەرنێت بن.

١٢. Air Drop بۆ ئاڵوگۆڕکردنی بابەت لەنێوان OS X و iOS.

١٣.Night Mode یارمەتیدەرێکی باشە لە کاتی بەکارهێنانی بەرنامە شاشە ڕونە و 

کێشەی بینین دروست ناکات.


١٤.Instant Hotspot هۆتس پۆتی خێرا:-

لەسەر ئەنتەرنێتی بێ وایەرلێس, ماکی تایبەتیت خۆکارانە ئەنتەرنێتی سەر ئایفۆنەکەت 

بەکاردێنێت ئەو کاتەی کە پێکیانت بەستوە.پێویست بە ڕێکخستن ناکات لە شوێنی 

وایەرلێس نیشانەی هۆست پۆست دەردەکەوێت,لەگەڵ بڕی شەخنی ئایفۆن و خێرای 

هێڵەکەت.

*ئەمانەی سەرەوە و چەندین خاسیەتی تر لە یوسیمایت Yosimite 

لە چارەکی کۆتایی ئەمساڵ بڵاو دەبێتەوە.




سەرچاوە


Apple.com



wikipedia






*هەر شاد بن

---

twitter: @diyarjaf
Facebook: Diyar Bekir Jaf
instagram: diyarjaf
BBM: 7A38CE23
http://diyarbekirjaf.blogspot.com

Handoff چیە؟

بەناوی بەخشندە و میهرەبان 

سڵاو هاوڕێیان ئەم کاتەتان باش

ئاشکرایە بەرواری ٢.٦.٢٠١٤ کۆمپانیای ئەپڵ کۆنگرەی WWDC14 بەست لەکۆنگرەدا 

هەریەک لە ios 8 و Os X Yosimite ئاشکرا کران کە بڕیارە لە چەند مانگی داهاتوو بە 

شێوەیەکی فەرمی بڵاو بکرێنەوە.

لەم بابەتە باس لە خزمەتگوزارییەکی نوێ دەکەین لە سیستەمی Yosimite بەناوی 

Handoff.

لەکاتێکدا کە ماک و ئەو ئامێرانەی کە سیستەمی ios یان لەسەرە لە نزیکی یەکەوە 

کارپێ دەکەین, خۆکارانە ئەو کارانەی کە لەسەر ئامێرێکیان دەکەی لەسەر ئەو ئامێرەی 

تر دەردەکەوێت, بۆ نمونە لەکاتی نوسینی ڕاپۆرتێک لەسەر ماکی تایبەتی خۆت , بەڵام 

ئارەزوو دەکەی لەسەر ئایفۆنەکەت یان ئایپادەکەت ڕاپۆرتەکە تەواو بکەی یاخود 

پۆستێکی ئەلیکترۆنی دەنوسیت لەسەر ئایفۆنەکەت یان ئایپادەکەت بەڵام ئارەزوو 

دەکەی لەسەر ماکی تایبەتیت بینوسیت Handoff یارمەتیدەرە خۆکارانە ئەو کارە 

بکەیت.

هەروەها دەتوانیت بەهەمان شێوە لە سەفاری و ژمارەکانت و نەخشە و پەیام و ڕۆژ 

ژمێر و ئاگادارکردنەوە بە هەمان شێوە ئەو کارانە لە نێوان ماکی تایبەتی و ئایفۆن و یان 

ئایپادەکەت هەمان کار بکەیت وە بە پێچەوانەوە.

کارکردن لە پرۆژە لەسەر ماکی تایبەتت ڕاستەوخۆ لەسەر ئایفۆن و ئایپادەکەت 

دەردەکەوێت.

ناردنی پەیامی ئەلیکترۆنی لەسەر ئایفۆن و ئایپادەکەت خۆکارانە لەسەر ماکی تایبەتیت.


*بەم زوانە گشت زانیارییەک لەسەر سیستەمی یوسیمایت 

Yosimite چاوەڕوان بن.

*هەرشاد بن 


سەرچاوە apple.com

---

twitter: @diyarjaf
Facebook: Diyar Bekir Jaf
instagram: diyarjaf
BBM: 7A38CE23
http://diyarbekirjaf.blogspot.com